Poslovne vesti - Makedonija

Ремонт на пругата Ногаевци - Неготино

На железничката станица Градско на пругата Велес - Гевгелија утре ќе почнат градежните работи за ремонт на железничката делница Ногаевци-Неготино на Коридорот 10.

Вкупната цена на ремонтот на железничката делница со должина од 30.993 метри изнесува 9.399.755 евра, обезбедени со заем од ЕБОР. По завршувањето на ремонтот на делницата за околу една година уште 31 километар од Коридорот 10 ќе бидат функционални за брзини до 120 километри на час.

Изведувач на работите е бугарската компанија ЦК-13 Холдинг. Последниот ремонт на делницата Ногаевци - Неготино бил извршен во 1968 година. И покрај тоа што секоја година имаше зголемени активности за одржување на делницата, при машинските регулирања и подбивања на колосекот честопати беа воведувани намалени брзини на возење од 30 до 50 километри на час.